O Black Friday é desde fai tempo un momento clave nos resultados anuais de moitos negocios. No 2017, sen ir máis lexos, España situouse no top 3 de países europeos con maior crecemento en facturación e cun volume de ventas de 1.4Bn €. (Emarketer, 2017)

A importancia deste día xunto ao Cyber Monday sábea ben a xente de Versus Gamers, unha tenda online centrada na venta de ordenadores e periféricos para os aficionados aos videoxogos máis esixentes coa que levo colaborando nos últimos tempos.

Como sacarlle o máximo partido e batir récords de ventas axudándose da publicidade online?

Sendo o Black Friday un fenómeno principalmente dixital -un 62% das compras do 2017 estiveron relacionadas co canal online segundo datos de Google- e cunha concentración de ventas en tan pouco tempo, a estratexia cobra se cabe máis importancia: unha mala planificación pode supoñer miles de euros que se deixan de ingresar.

Quizás estás a pensar que, precisamente porque as compras se realizan nun só día -imos coller o venres como referencia- a estratexia é supersinxela: máxima visibilidade durante 24 horas e listo. Nada máis lexos da realidade, déixame que cho explique.

Un proceso de compra que comeza moito antes

Aínda que o Black Friday é un só día, o proceso de busca, comparación, elección, etc. de produtos comeza moito antes. Concretamente, uns 20 días previos, como podes ver nesta gráfica de Google Trends:

Google Trends - Interés Black Friday 2017

Por tanto, non chega só con ter unha gran visibilidade ese venres máxico, senón que hai que establecer un plan que englobe os días previos, claves na decisión de compra, para impactar a aqueles usuarios máis indecisos.

Buscas que se multiplican ano tras ano

De novo segundo datos da propia Google, o número de buscas leva crecendo a ritmo de dous díxitos en España nos últimos anos. E non son dous díxitos precisamente baixos: +79% no 2015, 108% no 2016 -aquí xa tres díxitos- e 22% no 2017. É dicir, existe un mercado de millóns de buscas ano tras ano para todas aquelas empresas que queiran sacar partido das mesmas.

Como son esas buscas?

Entrando máis en detalle, resulta moi interesante analizar como son esas buscas xa que, por lóxica, non son sempre iguais dentro de esos 20 días de investigación e decisión. A verdade é que te podes imaxinar este proceso dunha forma moi sinxela simplemente tirando de sentido común: cando non tes moi claro o que queres as túas buscas tenden a ser máis xenéricas, máis ligadas ao descubrimento; por contra, cando xa tes claro o que queres as buscas son moito máis específicas, posiblemente incluíndo termos como marcas concretas ou tendas.

O usuario realiza realiza buscas máis específicas canto máis claro ten o que quere comprar. Lóxica aplastante.

Resumindo, se te estás plantexando facer unha campaña de cara a Black Friday tes que saber que:

  • Hai un incrible crecemento en búsquedas nos últimos anos.
  • O interese dos usuarios comeza varias semanas antes do día clave.
  • As buscas son diferentes segundo o momento do proceso de compra no que se encontra o usuario, sendo máis específicas canto máis cerca da compra está.

Sabendo esto poderás imaxinar que as campañas con anuncios no buscador da Gran G tiveron unha importancia capital no éxito de Versus. Certo. Pero non todo foi simplemente cubrir o maior número de buscas posibles. Hai moita máis estratexia detrás. Queres saber como conseguimos que fose un Black Friday de récord?

Green is the new Black

Os responsables de Versus son grandes coñecedores do mercado no que están, do que venden e do seu posicionamento. Así naceu Green is the New Black, a campaña para o Black Friday do 2017 que tiraba de humor, referencias cinematográficas e intriga para captar aos seus potenciais compradores, redondeada por descontos que chegaban ata o 50% e axudas á comunidade gamer. En Versus saben que non todo consiste en ter os prezos más baixos e que hai que saber o que valora o potencial cliente.

Creatividade + Datos + Diferenciación, puntos clave para poder competir.

Para que esta campaña fose todo un éxito plantexamos:

  • Un período de creación de hype dentro da comunidade gamer con vídeos de Youtube en formato in-stream (anuncios saltables aos 5 segundos) e bumper (anuncios de 6 segundos non saltables). O obxectivo era deixar claro ao público gamer que Versus tiña algo moi especial para eles de cara ao venres máis especial do ano.
  • Campañas de anuncios no buscador para chegar aos usuarios que realizaban buscas relacionadas cos produtos que vende Versus. Para a súa creación tivéronse en conta moitísimos factores, como por exemplo:
    • O momento do proceso de compra no que se encontraba o usuario: buscas xenéricas vs buscas específicas, como vimos antes.
    • As rentabilidades por produto/marca que manexaba a tenda online.
    • A tipoloxía de usuario (usuarios que chegaban por primeira vez ao ecommerce, usuarios recurrentes que aínda non compraran, usuarios compradores…)
    • O dispositivo desde o cal se realizan as buscas.
      Os potenciais éxitos de ventas de ese ano, como as sillas gamer.
      Campañas de anuncios de shopping, que complementaban ás de anuncios de busca e que permiten utilizar anuncios con imaxe e prezo dentro do buscador, ademais de facilitar a comparativa de prezos aos usuarios.
  • Campañas na rede de display, para apoiar en cobertura e aportar visibilidade ás ofertas.
  • Outros: uso de outros comparadores, accións por redes sociais, etc.

Resultados

  • Batíuse o récord de ventas nun só día da empresa.
  • As campañas SEM participaron nun 42% das ventas do Black Friday e o Cyber Monday.
  • A maior afinidade entre a busca, o anuncio e as páxinas de destino das novas campañas de Google Ads permitíu rebaixar o coste de cada clic unha media do 50% en Search e un 45% en Shopping.
  • O valor das conversións nas que participou unha campaña SEM foi 7,8 veces máis alto que no ano anterior con un aumento da inversión só 2,77 veces maior respecto ao 2016.

Ti tamén queres petalo como fixo Versus? Pois xa sabes, contáctame.